Friday, November 27

२४ घण्टामा थप ४४९९ जनामा कोरोना संक्रमण पुष्टि, सक्रिय संक्रमितको संख्या ४६६९१

October 23, 2020 114

बितेको २४ घण्टामा देशभर थप ४४९९ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले शुक्रबार दिएको जानकारीअनुसार महिला १६९० र पुरुष २८०९ जना गरी जम्मा ४४९९ जनामा कोरोनाभाइरस संक्रमण पुष्टि भएको हो ।
मन्त्रालयका अनुसार बितकेो २४ घण्टामा १६ हजार ८६३ जनाको पीसीआर परीक्षण भएको थियो भने यससँगै हालसम्म कुल पीसीआर परीक्षण १३ लाख ६७ हजार १६ जना पुगेको छ ।
जसमा १ लाख ५३ हजार ८ जनामा पोजेटिभ देखिएकोमा शुक्रबार थप २६६८ जना संक्रमणमुक्त भएसँगै निको हुनेको कुल संख्या १ लाख ५ हजार ४८८ पुगेको छ ।
मन्त्रालयका अनुसार हाल देशभर सक्रिय संक्रमितको संख्या ४६ हजार ६९१ रहेको छ भने मृतकको संख्या ८२९ पुगेको छ ।

प्रतिकृया दिनुहोस्