Wednesday, October 21

असोज २५ देखि कार्तिक १ गते सम्मको राशिफल, हेर्नुहोस कस्तो छ तपाइको भाग्य

October 12, 2020 68

मेष- कला संगीत एवं ध्यान साधनामा प्रगति मिल्नेछ । अध्ययनमा सामान्य प्रगति हुनेछ । सन्तानसँग भेटघाट एवं आर्थिक अवस्था सुध्रिनेछ । आम्दानीको स्तर बढ्नाले कारोबारमा सफलता एवं घरायसी विवाद कम हुने । मुद्दा मामिला टुंगिने एवं आपसी वैमनस्यतामा मैत्री भाव आउनेछ । घरबाट बाहिरको काम बन्ने एवं यात्रामा खर्च हुनेछ । साताको अन्त्यमा भने पारिवारिक मेलमिलाप, प्रेमी प्रेमिका बीच सुमधुर सम्बन्ध बढ्ने एवं मिष्ठान्न भोजनको सुख मिल्नेछ ।

वृष- साताको शुरुमा घरायसी विवाद आउनेछ । स्वास्थ्यमा समस्या देखिनेछ । मित्रतामा बाधा आउने एवं माया प्रेममा मनमुटाव हुनेछ । आपसी सरसल्लाह नमिल्नाले व्यक्तिगत काममा बाधा आउनेछ । साताको मध्यमा भने व्यापारमा फाइदा एवं कृषि तथा तरल पदार्थबाट व्यावसायमा फाइदा हुनेछ । नयाँ मित्रता गाँसिने एवं सवारी साधन तथा भोग विलासमा खर्च बढ्नेछ । नयाँ ठाउँको भ्रमण तथा पारिवारिक भेटघाटमा भने खुशीयाली बढ्नेछ ।

मिथुन- नयाँ काममा जोश र जाँगरले प्रगति मिल्नेछ । रोजगारीमा बढी जिम्मेवारी थपिनाले व्यक्तिगत काममा बाधा आउनेछ । छोटो यात्रा हुनेछ । व्यापार व्यावसायमा फाइदा एवं काममा जिम्मेवारी थपिनेछ । साथीभाइ एवं दाजुभाइको सहयोगमा सामुहिक काम बन्नेछ । भोगविलास एवं खानपानमा खर्च बढी हुनेछ । महिला बर्गसँग दुष्मनी एवं पारिवारिक वादविवाद हुनेछ । पेटको समस्या तथा चिसो स्वास्थ्य बाधा हुनेछ । साताको अन्त्यमा भने संगित तथा कला क्षेत्रबाट प्रशंसा मिल्ने तथा व्यापारबाट राम्रो फाइदा हुनेछ ।

कर्कट- वैवाहिक कुराले स्थान पाउनेछ । आफन्तको सहयोग मिल्नाले पुरानाे व्यवहार मिल्नेछ । मिठो बोलीले काममा राम्रो प्रभाव पर्नेछ । धनको सुख मिल्ने एवं सम्पत्तिको कारोबार बढ्नेछ । सन्तानबाट सहयोग एवं विदेशबाट धन प्राप्तीको योग देखिन्छ । नयाँ सरसामानमा खर्च हुने तथा छोटो यात्राको सुख मिल्नेछ । दिदीबहिनी तथा आफन्तबाट धनको सहयोग हुनाले घरायसी काम बन्नेछ । साताको अन्त्यमा भने परिवारमा विवाद आउने एवम स्वास्थ्यमा समस्या देखिनेछ । आफन्तसँगको कारोबारमा विवाद एवं समस्या हुन सक्नेछ ।

सिंह- साथीभाइसँग घुमघाममा समय र पैसा बढी खर्च हुनेछ । पारिवारिक काममा व्यस्तता बढ्नेछ । मनोरञ्जनमा खर्च हुने तथा नयाँ ठाउँको भ्रमण हुनेछ । नयाँ नाता गाँसिने तथा वैवाहिक सुख मिल्नेछ । भोग विलास एवं सावरी साधनमा खर्च बढ्नेछ । आफन्तको सहयोगले सानोतीनो व्यवहार टर्नेछ । नरम बोलीको प्रभावले ठूलावडासँग सम्बन्ध बन्नेछ । साताको अन्त्यमा भने काममा जिम्मेवारी थपिने एवं यात्रामा झन्झट आउनेछ । सवारी साधनले धोका दिने एवं खर्चमा वृद्धि हुनेछ ।

कन्या- महत्वपूर्ण सरसामान हराउन सक्नेछ । अनावश्यक ठाउँमा खर्च बढ्नेछ । साथीभाइसँग रमाइलो एवं खानपिनमा पैसा बढी जानेछ । सरसामान हराउन सक्ने एवं व्यवसायमा घाटा हुन सक्नेछ । साताको मध्यमा भने प्रेममा प्रगती, आफन्तसँग भेटघाट एवं नयाँ मित्रता शुरु हुनेछ । परिवारजनसँग रमाइलोमा खर्च बढ्ने एवं भोजभतेर रमाइलो हुनेछ । साताको अन्त्यमा भने व्यवसायमा आम्दानी बढ्ने एवं लगानीका राम्रो प्रतिफल आउनेछ । धनसम्पत्तिको सहयोग मिल्नाले पूराना व्यवहारमा राहत मिल्नेछ ।

तुला- मित्र एवं नातागोताबाट सहयोग हुनेछ । सोचेको एवं आँटेको कुरामा सफलता मिल्नेछ । विद्याध्ययन रुचि हुने तथा कला, साहित्य, संगीतमा पहिचान मिल्नेछ । आम्दानीको स्तर बढ्ने एवं धनसम्पत्तिको सहयोग मिल्नेछ । साताको मध्यमा भने बढी खर्च हुने एवं यात्रामा झन्झट आउनेछ । आफन्तसँग सामान्य मनमुटाव हुने तथा चिसोको समस्या हुनेछ । साताको अन्त्यमा भने पारिवारिक भेटघाट एवम विलासितामा धन खर्च हुनेछ । आफन्त भेटघाट तथा सन्ततीबाट खुशीयाली मिल्नेछ ।

वृश्चिक- जिम्मेवारीमा काम थप हुनेछ । ठुलाबडाको सहयोगले अड्केको काम अगाडि बढ्नेछ । राजनीतिक पहिचान मिल्नेछ । सरकारी क्षेत्र तथा विशिष्ट व्यक्तिहरुबाट प्रशंसा मिल्नेछ । काममा जस मिल्नाले प्रतिष्ठा कायम हुनेछ । व्यापारमा राम्रो आम्दानी हुने तथा धनको कारोबार बढ्नेछ । पारिवारिक प्रेममा प्रगति हुने एवं वैदेशिक धनको सुख मिल्नेछ । शैक्षिक कार्यमा प्रगति र व्यस्तता बढ्नेछ । सन्तानको सहयोगले व्यवहारमा सहायता मिल्नेछ । भोज भतेर एवं खानेकुरामा लगानी बढ्नेछ । साताको अन्त्यमा भने यात्रामा झन्झट हुने तथा सामान्य बाधा आउन सक्नेछ ।

धनु- सामाजिक एवं सामुहिक काममा जिम्मेवारी बढ्नेछ । धर्म कर्ममा रुचि जाने एवं धार्मिक यात्रा हुनेछ । ठूलावडासँग भेटघाट एवं सामाजिक काममा मन जानेछ । काममा प्रशंसा मिल्नाले पदोन्नतीको सम्भावना देखिन्छ । परोपकार तथा दान, धर्म, पुण्य कर्ममा समय व्यतित हुनेछ । विदेशबाट सहायता मिल्ने एवं यात्राको सुख मिल्नेछ । साताको अन्त्यमा भने धन प्राप्ती तथा व्यापार व्यवसाय एवं लगानीमा राम्रो प्रतिफल आउनेछ । कृषि पशु चौपायाबाट आम्दामी हुने एवं माइती मावलीबाट व्यवसायमा सहयोग मिल्नेछ ।

मकर- नोकरी रोजगारीमा आरिस गर्नेले समस्या दिन सक्नेछन् । कामबीचमा रोकिनाले आर्थिक घाटा व्यहोर्नु पर्नेछ । स्वास्थ्यमा सामान्य समस्या आउनेछ । काममा झन्झट मिल्ने एवं शुरु गरेको काम बीचमा रोकिनेछ । समझदारीमा बाधा आउने तथा योजना विफल हुनेछ । साताको मध्यमा भने पारिवारिक काममा व्यस्तता बढ्ने एवं धर्म, कर्मममा समय बित्नेछ । छोटो यात्राको सुख मिल्ने तथा पारिवारिक काममा अलमल हुनेछ । साताको अन्त्यमा भने सामाजिक पहिचान मिल्ने तथा राजनीतिक मुद्दामा आफ्नो पहिचान बन्नेछ ।

कुम्भ- साझेदारी काममा फाइदा आउन थाल्नेछ । वैवाहिक कुरा अगाडि बढ्ने एवं प्रेममा मिठो व्यवहार मिल्नेछ । पारिवारिक भेटघाट एवं यात्राको अवसर बन्नेछ । साथीभाइसँग रमाइलो एवं धार्मिक यात्रा हुनेछ । प्रेममा प्रगति एवं वैवाहिक जीवनमा खुशी प्राप्त हुनेछ । साताको मध्यमा भने स्वास्थ्यमा बाधा एवम काममा उल्झन आउनेछ । मित्रतामा बाधा आउने एवं आफन्तले काम बिगार्न सक्नेछ । साताको अन्त्यमा भने धर्मकर्ममा खर्च हुने । यात्राको सुख मिल्ने एवं ठूलावडासँग भेटघाट रहने तथा सामाजिक क्षेत्रमा पहिचान मिल्नेछ ।

मीन- विरोधी पक्षबाट भय एवं समस्या कम हुनेट । वादविवाद एव प्रतिष्पर्धामा जित हासिल हुनेछ । स्वास्थ्यमा सुधार हुने एवं मित्रता बलियो बन्नेछ । कुटुम्ब भेटघाट एवम पारिवारिक भोजभतेरमा सहभागिता मिल्नेछ । खेलकुद एवम सांगितिक क्षेत्रमा प्रगति हुनेछ । साझेदारी लगानीमा फाइदा, व्यापार व्यवसायमा नाफा एवं साथी भाइको भेटघाटमा खर्च बढ्नेछ । साताको अन्त्यमा भने यात्रामा बाधा एवं स्वास्थ्यमा समस्या तथा काममा रोकावट हुनेछ । गुप्त शत्रुले बाधा गर्नछन् र नजिकका व्यक्तिबाट धोका हुनेछ ।

प्रतिकृया दिनुहोस्